Pyetja:
Gjatë faljes së namazit më ikën mendja. Sa i vlefshëm është ky namaz?
Përgjigja:
Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.
Problemi, për të cilin shqetësohesh, është një dukuri mjaft e përhapur te shumë muslimanë. Kjo vjen nga shkaku se shejtani i shton ngacmimet e tij deri në atë gradë, saqë njeriu mund të mos mbajë mend se çfarë ka thënë gjatë namazit. Dije se çështja e të përqëndruarit në namaz është një gjë e ndërlidhur me zemrën e që manifestohet në trupin tonë dhe atë e arrin njeriu që është i sinqertë në veten e tij. Të përqëndruarit në namaz dhe të kesh frikërespekt gjatë faljes, është një gjë që kërkohet vendosmëri dhe mund i madh. Një nga lutjet që i bënte Profetit (Paqja dhe bekimi i Allahut qofshim mbi të) ishte edhe kjo: “ O Zoti im! Kërkoj mbrojtje te Ti nga zemra që nuk ka frikërespekt…” (Transmeton Tirmidhiu )
Alaudin Abazi
|